التخطي إلى المحتوى الرئيسي

ملحق الجمعة : على مقال الثورة 3 : شعب الله الفزلوك


شعب الله الفزلوك

 

والذى اختص دون غيره من البشر ب " سر الصنعة " التى لا يعلمها الا هم ...حتى مصنعو المنتجات والادوية لا يعلمون عن هذه الاسرار شيئا

 

امثلة للاسرار الفزلوكية :

-          شيل بطارية اللاب توب عشان تحافظ عليها  اليابانيون نفسهم لم يعرفوا هذا السر ولا يكتب على اى لاب توب

-          اللى عنده برد ما ياكلش بيض ( عشان بيفتش)

-          اول خطوات تصليح المعدات الكهربية هو ان تنزع مكان الفيشة وتنفخ فيه بقوة  ( والتى تطورت فى شارع عبد العزيز الى النفخ بالبلاور )

-           عصير المنجة بيرفع الحرارة

-          اكل مخاصى البهائم  منشط جنسى ... طيب ما تاكل#$%$ وانجز  ( تاكل المخ يعنى عشان تفهم ... ما يروحش بالك لتحت )

-          امبول الترامدول  يتاخد على كوباية شاى ويتشرب ما يتخادش عضل

-          العلاج الوحيد لحصاوى الكلى البيرة

-          عض حجارة البطارية

-          استخدام سلك المواعين كالالعاب نارية ( بعد توليه بولاعة )

-          استخدام البيرسول نفس الاستخدام السابق

-          يجب عدل الشبشب اللى نعله باصص لفوق

-          اشرب العصير من عند ايد الكوباية عشان تقلل فرصة العدوى

-          امسح بوق زجاجة الكوكاكولا بايدك ( اللى مش نظيفة ) مكان الغطا ( النظيف )

-          متحطش سلطة على الطعيمة ( وصية كل الامهات عشان التلوث) باعتبار ان ايده اللى بيهرس بيها الطعمية فى السندوتش دى طالعة من الاوتوكلاف

-          ما تديش العيل الصغير فراولة عشان ممكن تعمله حساسية ( لكن اكله زبادى فواكة -اللى هوا فراولة برضه - عشان مفيد )

-          مشروب السكالنس لسائقي النقل ( شاى على قهوة )

-          بلاش سجاير على الريق – باعتبار ان النشرة بتاعتها بتقول استعمالها بعد الاكل ولا باعتبار انها بتهضم –

-          التبرع بالدم بيعمل ضعف جنسى ( مالقتلهاش مصدر) بس السؤال طيب والسجاير والمخدرات بيعملوا ايه

-          ما تشربش الشيشة الا بالمبسم البلاستك عشان الامراض ... على اساس ان اللى فى اللي والقزازة ميه معدنية

-          الكورتيزون علاج خطير .... اكتبلى ترامادول احسن

-          المصريين بيحللوا ويشيروا وينظروا على مظاهرات تركيا اكتر من الاتراك نفسهم ومن كل الاطياف كله بيالف على مزاج تياره

-          بيقدموا الساعة 5 دقايق عشان ما يتاخروش على مواعيدهم ...ما تروح بدرى يا عم وتريحنا م الفيلم العربى دا

-          ثور على رئيسك من غير ما يكون عندك حل حتعمل ايه بعد كدا ...يقوم يجيلك مجلس عسكرى ...ثور عليه برضه من غير ما تعرف حيجيلك ايه بعد كدا ...يعملولك انتخابات تختار فيها ما بين اتنين انته مش عايزيهم عشان يطلعلك واحد ...برضه تثور عليه وانته مش عارف حتعمل ايه بعد كدا .... وبرضه لسه نفسك تجيب نظام جديد

-          شعب يهدف باسقاط النظام .... طيب ما تهتف بعمل نظام جديد ... يمكن تتكتبلك ولو حتى بالنية  

تعليقات

إرسال تعليق

المشاركات الشائعة من هذه المدونة

عن الامتياظ :)

الامتياز كتجربة شخصية ـــــــــــــــــــــــــــــــــــــ كان نفسى من فترة طويلة انى اكتب انطباعاتى عن فترة الامتياز والحاجات اللى عملتها فيها وكانت كويسه والحاجات اللى كان نفسى اعملها وكسلت للاسف ومن الحاجات اللى كان نفسى اعملها وكسلت هى انى اكتب المقال دا لكن شجعنى النقاش ( اللى كان بيقلب بخناق ف كتير من الاوقات ) اللى صنعه قرار قضاء الامتياز 6 شهور فى اسيوط والى تم تعديله من سيادة العميد مؤخرا وكمان انى شفت زملاء كاتبين انطباعتهم عن نفس الفترة قلت اقول اللى عندى وعشانا عليك يا رب - حقسم الكلام لنقط صغيرة عشان محدش يمل واللى عايز نقطة يقراها ويقفل من غير ما يتوه ــــــــــــــــــــــــــــــــــــــــــــــــــــــــــ الامتياز : ترتيب الاقسام حسب ما ترغبه ـــــــــــــــــــــــــــــــــــــــــــــــــــــــــ لو عايز فترة امتياز مفيدة يبقى لازم تنسق حتبتدى ايه قبل ايه واحتشتغل انهى تخصص ف انهى شهر حتى لو بتخطط انك ما تشتغلش حاجة ف الامتياز يبقى لازم برضه تخطط لكدا وحديك مثال : انا كنت عايز اشتغل واتعلم قوى وما كنتش عايز اطلع بره الجامعة وعشان كدا سالت لقيت ان اول...
إرسال تعليق
كمل للاخر

عن " الغربة "

·          اخر بنت حلوة بتعرف عربى وبتساعد   وتعجب بالشباب المكافح اللى زيك فى الغربة كانت اللى طلعت مع هانى رمزى فى ابو العربى ·          السفارة المصرية فى البلد اللى رايحها عامله زى حفلة طهور ابن الجيران مش لازم تعجبك لكن لازم تروح وتجامل وف الاغلب مش حيردولك المجاملة دى – لانك   عشان تيجى هنا اكيد انته مطهر من زمان – ·          لا اعرف – هى الاجابة الاكثر احتراما وتقبلنا عن كثير من قبيل " انا قلت عيب اقولك معرفش " ·          محاولاتك المستميتة لتظهر انك مش اجنبى " وابن بلد ومدقدق " لا تزيد السبخ الا روثا .... تعامل من منطلق انك اجنبى وبتحب المكان احسن ·          مجارة الناس فى العادات الغير متفقة معك مش حيخليك الشاب الاسبور " تشرب خمرة – تبوس السكيرتيرة الصبح " بقدر ما حيجعلك محترم اكتر لو ابتسمت ابتسامة حلوة – من اللى من شحمه الودن اليمين لغايه شحمة ا...
16 تعليقًا
كمل للاخر

آيفون بشريحتين !

آيفون بشريحتين !   العنوان الذى قرأته خيالي؟   ... يمكنك ان تقول هذا وانت متاكد ولكن دعنا نطرح الموضوع للنقاش ... لماذا لا تصنع شركة ابل تلفون بشريحتين والاحتمالات هي - لا تمتلك هذه التكنولوجيا ( يا راااجل ) - لا تريد زيادة التكلفة ( هههه طب هات 100 جنيه اجيبلك تلفون بخطين ) - المستخدمين لا يحتاجون هذه الخاصية الان ( كام واحد من اصحابك معاه تلفونين او تلفون وتابلت ؟ )   - سياسة مختلفة ...(ايوه هي دى) ...ما هو نوع هذه   السياسة ؟ السياسة التسويقية للشركات يمكن ان   تنقسم الى نوعين competency based or innovation based التسويق المبني على الكفاءة والتسويق المبنى على الاختراع او الابداع شركة ابل ومثلها شركات كبيرة   اخري تلجأ – بشكل اساسي -   للنوع الأول وهو الكفاءة ! (يعنى ايه وليه ؟ ) يعنى ايه .... يعنى انها تضع إمكانيات مش عاليه قوى في مقابل كفاءه تشغيل عاليه ... طب ليه ؟   ليه دى هي لب الموضوع   .... الانسان كائن اعتيادى بطبعه .... تامل كل يوم صباحا ستجد انك تلبس البنطلون فتبدأ بنفس الرجل كل يوم .... بتبدى ت...
إرسال تعليق
كمل للاخر