عن الثورة (لانى انا انته واحنا الاتنين مش فاهمين حاجة)

وجرت العادة ان يستهل كاتب المقال مقاله بقصة او حدوتة تتوه معها قليلا حتى يسلمك الى المغذى العميق او يشرحه لك وهنا اما ان تكون القصة مشوقة ببتكملها واما ان تكون ....... بتتركها . اما عن المغذى فيمكن ان يكون له علاقة بالموضوع وهذا هو النوع الكلاسيكى ويمكن ان يكون لا يمت للموضوع بصله الا ان الكاتب اضافه فى اول المقال – وهذه هى الموضة هذه الايام – ولذا اخرج عن العرف واكتب لك ومضات فى اول المقال – او ربما لاخره – لانى اؤمن ان " الكلام الكتير ماسخ "

 

-          متى بدات الثورة المصرية ؟

-          25 يناير 2011

-          غلط !!

-          ......

-          طيب ايه اسم الثورة اللى قبلها

-          ثورة يوليو ؟

-          غلط .....دى انقلاب عسكرى – راجع تعريف الثورة فى اى كتاب او حتى جوجل

-          طيب ...ثورة التصحيح

-          برضه غلط  ومش محتاجه ليه بقى

-          مممممم .....ثورة 19

-          صح

-          كلمنى عن ثورة 19

-          يعنى .... الشعب كان مضايق من الاحتلال والسياسة الغلط .... ظهر سعد زغلول .... الناس اتجمعت حواليه .... عملوله توكيلات واتفاوض .... وطلعوا مظاهرات .... وكدا يعنى

-          تمام .... احكيلى بقى ازاى ابتدت ثورة 25 يناير

-          مممم .... دعوة على الفيس بوك  للنزول للمظاهرات ... حشد كتير من الناس .... رد فعل عنيف من الشرطة ... نزول عدد اكبر .... هروب الشرطة ...نزول الجيش ...تنحى مبارك ..... المجلس العسكرى .... انتخابات .... مرسى وشفيق .... مرسى ... الثورة مستمرة

-          اسف ...برضه غلط

-          ليه بس ؟

-          نبتدى منين الحكاية ؟ ممممم اه ..... المقدمات كل ثورة ليها مقدمات .لا اقصد مسببات فالمسببات سهلة ومعروفة من فساد وركود وغلاء اسعار وخلافه لكن البدايات ومقدمات الثورة . اعنى هنا حركات اضراب عمال الغزل . وقفات الاحتجاج على سلالم نقابة الصحفيين .حركة كفايه . حتى محاولة ايمن نور لدخول سباق الانتخابات مع مبارك فى 2005 ساحتسبها كمقدمات فى ظل بعض المرشحين الذين قالوا صراحة انهم نازلين يدوا صوتهم لمبارك . الشباب يصنعون صفحة على الفيس بوك للتنديد بمقتل شاب على يد الشرطة وتتحول الى صفحة للدعوة للثورة واسقاط النظام الظالم . اعتقد انه من هنا بدات الثورة وابتدا الشعب يشعر بحاجته الى التغيير والتحرك الى هذا التغيير

-          طيب ايه الفرق ؟ استفدنا ايه يعنى ؟

-          استفدنا ان ايه الخطة لهذا التغيير .... ما هى الدعوة التى كتبت لثورة يناير ؟ راجع صفحة كلنا خالد سعيد وانظر فى مقدمات يوم 25 وكيف تم اختياره .... الدعاية كانت ليوم الغضب ... طبعا القائمين على الصفحة يؤكدون انهم كانوا يعرفون انها ثورة من اول يوم ومن اليوم اللى قبله كمان لكن تاريخ الصفحة موجود لا تدع احدا يقرا لك واتعب نفسك قليلا وابحث بنفسك

-          https://www.facebook.com/notes/%D9%83%D9%84%D9%86%D8%A7-%D8%AE%D8%A7%D9%84%D8%AF-%D8%B3%D8%B9%D9%8A%D8%AF/25-january-%D8%AA%D9%81%D8%A7%D8%B5%D9%8A%D9%84-%D9%8A%D9%88%D9%85-25-%D9%8A%D9%86%D8%A7%D9%8A%D8%B1/197190613628100

-          مممم يعنى قصدك ان الثورة غلط

-          لاء ...قصدى ان فيه غلطات ودا مش معناه ان الثورة غلط .... الثورة كانت اصح حاجة حصلت من زمن بعيد لكن زى ما انته شايف التخطيط الاولى ما كنش لثورة كان لمظاهرة كبيرة تدفع النظام للتغيير

-          ايه اللى غير خط السير ؟

-          اللى غير خط السير حاجات كتير : حاجات قبل اليوم دا زى ثورة تونس اللى شجعت كتير وحسست الناس ان الحركة الشعبية الغير منظمة ممكن تتحد وتعمل حاجة كبيرة  ...حاجات حصلت يوم 25 نفسه ... اعتقال وائل غنيم الزعيم الروحى اللى قليل اللى كان يعرفه لكن ناس كتير كانت بتسمع كلامه ....عنف الداخلية فى تصفية المظاهرات ... التغطية الاعلامية الضخمة اللى شجعت ناس كتير تنزل ...وطبعا عدد الناس المهول اللى نزل اللى اعتقد ان منظمين المظاهرات نفسهم ما كنوش بيحلموا بيه – كما هو اضح من الكلام - .....حتى نزول ميدان التحرير ظهر فجاه ومع تضيق الخناق على باقى الاماكن اللى تظاهر فيها الناس وترحوا ميدان التحرير ... وحاجات بعد اليوم دا طبعا اشهرها واقواها جمعة الغضب 28 يناير

-          دا انتا كنت متابع بقى وعايش الاحداث

-          لاء .... انا قريت عن يوم 25 يناير لكن لم اشارك لانى ف الاول شفت ان بلدنا ما بينفعش فيها التغيير بالحل السلمى ولما اكتشفت ان ممكن ولقيت ناس كتير نزلت ما نزلتش لانى مالقيتش خطة واضحة للمرة اللى جاية بعدين ...نزلت فى حاجات مخصوصة زى مظاهرات امن الدولة لتار شخصى قديم

-          طيب الكلام لغايه كدا حلو وانته معترف على نفسك انك كنبة .... بس فيه نقطة وقعت منك – ايموشن ابتسامة النصر –

-          جبهة التغيير والبرادعى ...صح ؟

-          مممم شكلك ذاكرت كويس ...صح يا عم قول

-          مش مذاكره – وبعدين ما تشتغلنيش انا بحكى معاك اصلا لانى انا انته واحنا الاتنين مش فاهمين حاجة وبنحاول نفهم بعض

-          خلاص كمل

-          جبهة التغيير دى بقى كانت عجبانى قوى واشتركت فيها وسجلت اسمى وبياناتى ... حتقولى ليه ؟ حقولك سهلة ...جهة ليها اهداف وليها قيادة واضحة – حتى لو اختلفت معاها

-          طيب ما نفس القيادة تقريبا بتدعوا الان لانقلاب واسقاط الرئيس ما سندتهمش ليه

-          اصبر ...ما تسبقش الاحداث خلينا مع الرصين ... اللى رجع من بره ومعاه نوبل وقلادة النيل من جوه وقال لازم تغيير ومش حيحصل الا لما الناس تنزل الشوارع ....كلام صعب وقتها لكن الراجل قامة – برضه نختلف او نتفق معاه – قلنا ماشى .... المشكلة حصلت ايام الثورة خلال عدم تواجده فيها ... هنا وقفلت منه ....لم انتظر منه التويتات ولا الحوارات ولا الديمقراطية يا منى ولا اى حاجة تانى ...

-          انته اللى بتقول كدا ...ما انته نفسك ما نزلتش عايز منه ايه ؟

-          انا ما نزلتش لكن ما دعتش حد ينزل ...كنت ضد الفكرة ....لكن ازاى تكون مع الفكرة وعايزها تتم من غيرك

-          يا بنى ادم ما هوا مش عايز حد يفكر ان هوا ايقونة الثورة والرمز عايز الثورة تكون بتاعت كل المصريين

-          الكلام دا فعلا جميل لكن المشكلة الوحيدة انه غير صالح للتطبيق فى مصر ....الناس محتاجة دايما رمز تمشى مش حقولك وراه لكن على الاقل معاه ...حتقولى دى رؤية قديمة وفكرة المخلص واقرا مقال يوسف زيدان ...سيبك من الهرى دا كله ...بص على الناس البسيطة فى الشارع .... انته محتاج تاخد ايديهم وترفعهم لمستواك – لو فعلا مستواك مرتفع – مش انك توجهم من غير ما حتى يكون عندك قبول عن الكثير منهم .... عايز تفهم اكتر ...اقرا نهر الجنون لتوفيق الحكيم وانته تفهم

-          خلاص يا عم احنا حنكمل المقال ولا حنقضيها مراجع ...هات من الاخر

-          لاء لازم تدور وتفكر ....مش حينفع تقرا وخلاص ....انا شرحتلك شويه ...الباقى لازم تدور عليه بنفسك لغايه ما اعصرلك الباقى

-          هوا لسه فيه باقى

-          هههههه دا انته طيب قوى ....احنا لسه ما قولناش حاجة .... لسه فاضل كتير .... الثورة مش سلمية .... ليبيا ليه وسوريا اه .... الاتجاه المغاير ... المظاهرات التركية والهرى المصرى .... واخيرا الحل الغريب فى الزمن الصعب

-          طيب يا ريت بقى الحوار دا ما يطلعش بره لغايه ما افهم عشان محدش يدخل و ....

-          هههههههههه الحوار دا على المدونة حضرتك

-          هههههههههههههههههههههههه بجد .....دا انته على كدا تنفع رئيس جمهورية

-          هههههههههههههههههههههههههههههههههههههههه    فى مصر فقط يا عزيزى J)))))

-